Loyvisnevndin er í summarfrí frá ólavsøkuaftan 28. juli til fríggjadagin 20. august 2021

Í hesum tíðarskeiðnum verður teldupostkassin hjá Loyvisnevndini loyvisnevndin@rusan.fo lisin regluliga. Er okkurt átrokandi, ber til at ringja 340400.

Yvirlit yvir upplatingartíðir, skeinkingartíðir o.a. serligar dagar sæst her.

Við matstovulógini (løgtingslóg nr. 183 frá 21. desember 2018) um matstovuvirksemi og gistingarhúsvirksemi) vórðu reglurnar um skeinking og skeinkiloyvi fluttar úr rúsdrekkalógini. Samstundis eru reglurnar broyttar soleiðis, at matstovuloyvi nú skal søkjast frá Loyvisnevndini og ikki politinum. Afturat hesum eru nýggjar reglur komnar um duravørðar, hissiniskeinking o.a. Í summum førum er talan um størri broytingar, og fleiri viðurskifti eru nú øðrvísi enn frammanundan. 

Eru spurningar um skeinkiloyvi, hissiniskeinkiloyvi, matstovuloyvi, duravørðar o.a. ber til at venda sær til Loyvisnevndina á teldupostinum loyvisnevndin@rusan.fo

 

 

 

Seinast dagførd 21/07/2021, 8:00:39.